Help aur policies
Seedhe shabdon mein: kya milta hai, kitne ka hai, aur kuch gadbad ho toh kya hota hai.
Pehle yeh jaan lijiye
Kitne ka hai?
₹199 aapke pehle geet ke liye, pehle 10,000 customers ke liye. Phir ₹399. Dono mein GST shaamil hai.
India ke bahar se pay kar rahe hain toh $4.99 launch, phir $9.99.
Counter asli hai: jitni jagah dikhti hai, utni hi baaki hai.
Kya mujhe gaana ya kuch record karna hoga?
Bilkul nahi. Aap sirf unke baare mein batate hain aur lyrics approve karte hain. Likhna, gaana aur music, sab hum karte hain.
Lyrics pasand na aayein toh?
Koi bhi line tap karke badal sakte hain, ya "Doosre shabd" se 2 naye draft le sakte hain.
7 din tak approve nahi kiya toh hum jaisa likha hai, waisa hi geet bana dete hain.
Geet banne ke baad 7 din ke andar ek free remake: naya mood, nayi awaaz ya naam ki spelling.
Refund milta hai?
Change of mind par refund nahi, kyunki har geet aapke liye alag se banta hai aur aap lyrics pehle approve karte hain.
Hum fail hon toh poora refund, apne aap: payment hua par order nahi bana, double payment, 24 ghante mein lyrics nahi aaye, approve ke 24 ghante baad bhi koi version nahi bana, ya humari galti se order ruka.
Sirf ek version bana toh woh milega, saath mein ek remake credit. Refund original payment method par, RBI ke time par, GST credit note ke saath.
Kya yeh AI se banta hai?
Haan. Dhunzo geet AI ki madad se likhta aur gaata hai, aur har gift page par saaf "Made with AI" likha hota hai.
Lyrics mein der ho toh ek insaan geetkaar unhe poora karta hai. Hum kisi singer ki awaaz ya kisi film ke gaane ki nakal nahi karte.
Kaun si bhasha mein geet ban sakta hai?
Abhi live: Hindi, Hinglish, English.
Waitlist par: Punjabi, Marathi, Gujarati, Bengali, Tamil, Telugu, Kannada, Malayalam, Odia, Bhojpuri. Jab aapki bhasha live hogi, WhatsApp par bata denge.
Mera likha hua kahan jaata hai?
Aapka likha, lyrics aur recordings 15ve din delete ho jaate hain. Dono MP3 aapke WhatsApp mein pehle hi aa jaate hain, toh geet aapke paas rehta hai.
Music video aapke phone par banta hai; photos upload nahi hote. Hum aapka data bechte nahi.
Jinke liye geet hai, unhe kya karna hoga?
Kuch nahi. Unhe ek ticket link milta hai. Kholte hi parda khulta hai aur geet bajta hai, lyrics ke saath. Koi login nahi.
Dhunzo kaun chalata hai?
Dhunzo (धुनzo, dhunzo.com) Nexivara ka brand hai, Jaipur, Rajasthan se. Payment Nexivara leta hai aur har order ke saath GST invoice deta hai (GSTIN 08AWPPB6630G2ZH).
Grievance officer: Karan Bindal, +91 96363 69360.
Order policy, seedhe shabdon mein
- Payment ke baad: hum lyrics likhte hain, aap approve karte hain (badlaav ke saath bhi), aur hum do version gaakar banate hain.
- 7 din tak approve nahi kiya toh hum jaisa likha hai, waisa hi geet bana dete hain.
- Delivery ke 7 din ke andar ek free remake.
- Refund nahi: change of mind, remake ke baad bhi pasand na aana, aapke likhe ya approve kiye lyrics mein galti, 15 din ki window miss karna, ya recipient ka reaction.
- Humari chook par apne aap poora refund: payment hua par order nahi bana, double payment, 24 ghante mein lyrics nahi, approve ke 24 ghante mein koi chalne layak version nahi, ya humari galti se order ruka. Sirf ek version chala toh woh version aur ek remake credit. Refund original payment method par, RBI timelines par, GST credit note ke saath.
- 15 din baad content delete. Ek evidence record (terms, approval, delivery logs, invoice) 18 mahine rakha jata hai.
- Shikayat 48 ghante mein acknowledge aur ek mahine mein resolve.
Baat kijiye
Order code paas rakhiye (jaise DZ-447123). WhatsApp par likhiye, ya shikayat form bhariye.
Grievance officer: Karan Bindal, +91 96363 69360